Üsküdar Mahkemesi 2 Numaralı Sicil (H. 924-927 / M. 1518-1521) cilt: 2, sayfa: 180 Hüküm no: 329 Orijinal metin no: [37a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Yorgi b. Mihal’in Kara Mihal’e ödünç verdiği Kazıyye oldur ki Yorgi b. Mihal şer‘-i şerîf-i Muhammedî ve divân-ı latîf-i Ahmedî meclisine Kara Mihal[’i] ihzâr edip şöyle takrîr-i kelâm kılıp dedi ki sende benim karz-ı hasenden iki yüz akçem vardır deyicek mezkûr Kara Mihal dahi mukābel [e] de cevâb verip dedi ki ben senden karz-ı hasen aldığım akçe [yi] sana teslîm eyledim deyicek mezkûr Yorgi dahi ben senden habbe almadım deyu inkâr eyledikden sonra mezkûr Kara Mihal’in ikrârı deftere sebt olundu. Tahrîren fî evâhiri Şevvâl min şuhûri sene 925. Şuhûdü’l-hâl: Sinan b. Abdullah, Ali b. Abdullah, İsa b. Abdullah, Kılavuz b. Aslıhan