Üsküdar Mahkemesi 2 Numaralı Sicil (H. 924-927 / M. 1518-1521) cilt: 2, sayfa: 206 Hüküm no: 403 Orijinal metin no: [45a-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Dimitri b. Markol’un Emir b. Çepni’ye olan borcu için Luka b. Luka’nın kefil olduğu Kazıyye oldur ki Emir b. Çepni şer‘-i şerîf-i Muhammedî ve divân-ı latîf-i kazâ-yı Ahmedî meclisine Dimitri b. Marko[’yu] ihzâr edip şöyle takrîr-i merâm kılıp dedi ki sende benim karz-ı hasenden iki bin sekiz yüz akçem vardır deyicek mezkûr Dimitri dahi cevâb verip dedi ki karz-ı hasenden sana iki bin sekiz yüz akçe düyûnum vardır deyicek kefîl taleb olundu ba‘de’t-taleb zimmîlerden Luka b. Luka iki bin sekiz yüz akçeye kefîl bi’l-mâl olup deftere sebt olundu. Tahrîren fî evâsıtı Zilka‘de min şuhûri sene hamse ve ışrîn ve tis‘a-mi’e. Şuhûdü’l-hâl: Timurhan b. İsmail, Seferşah b. Süleyman ve gayruhumâ