Üsküdar Mahkemesi 2 Numaralı Sicil (H. 924-927 / M. 1518-1521) cilt: 2, sayfa: 206 Hüküm no: 404 Orijinal metin no: [45a-5] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Borcunu ödemesi için Emir b. Çepni’nin, Dimitri’ye süre verdiği Kazıyye oldur ki Emir b. Çepni şer‘-i şerîf-i Muhammedî meclisine İstavros’lu Dimitri[’yi] ihzâr edip şöyle takrîr-i merâm kılıp dedi ki sende karz-ı hasenden iki bin çuha bahâsından dört yüz akçem vardır deyicek mezkûr Dimitri mezkûrun ikrârını tasdîk [edip] iki bin karz-ı hasenden dört yüz çuha bahâsından cem‘an iki bin dört yüz akçe düyûnum vardır deyu ikrâr eylediğinden sonra altı ay va‘detü’ş-şer‘(?) olup deftere sebt olundu. Tahrîren fî gurre-i Zilhicce min şuhûri sene hamse ve ışrîn ve tis‘a-mi’e. Şuhûdü’l-hâl: İsmail b. Takyeci, Hacı Halil [b.] Umur, Bekir b. Mustafa, Halil b. İsmail Derkenar: Yani b. Demürci [ve] Petre b. Keremedin zikr olan bin dört yüz akçeye kefîl bi’l-mâl olup deftere sebt olundu.