Üsküdar Mahkemesi 2 Numaralı Sicil (H. 924-927 / M. 1518-1521) cilt: 2, sayfa: 216 Hüküm no: 420 Orijinal metin no: [48a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Saltuk b. Hamza, Davud b. Mustafa ve Mezid b. Mustafa’nın bennak vergisi davasından beraat etmesi Kazıyye oldur ki Dizdâr Ağa âdemi Ahmed meclis-i şer‘a nefs-i Üsküdar’da mutavattın olan Saltuk b. Hamza ve Davud b. Mustafa ve Mezid b. Mustafa el-mezkûr nâm kimesneleri ihzâr edip siz ağa-yı merkūmun ra‘iyyet oğlusuz sizden resm-i bennâk taleb ederim dedikde mezkûrûn cevâb verip vâkı‘â babalarımız Dizdâr timârına ra‘iyyet kayd olunmuşdur ama sonra babalarımız hayâtında vilâyet-i defter olunduğu vakt tahmînen kırk yıl vardır ki defter-i sultânîde nefs-i Üsküdar’da hâssa ra‘iyyet ettirmişdir el-ân biz hâssa ra‘iyyetiz deyu da‘vâ ettiklerinde gıbbe’l-inkâr ve’l-istişhâd udûl-i müslimînden Hacı Mustafa b. İvaz ve Musa Fakih b. İbrahim [ve] Mehmed b. Musa li ecli’ş-şehâde hâzırûn olup mezkûrûn Saltuk ve Mezid b. Davud’un min külli’l-vücûh da‘vâlarına muvâfık edâ-yı şehâdet ettikleri sebebden timâr-ı mezkûre mezbûrlarından resm-i bennâk hükm olunmayıp sebt-i sicil olundu. Şuhûdü’l-hâl: Mevlânâ Bekir b. Mustafa, Ali b. İsa, Kemal b. Mustafa, Durdu b. Şahim ve gayruhum