Üsküdar Mahkemesi 2 Numaralı Sicil (H. 924-927 / M. 1518-1521) cilt: 2, sayfa: 247 Hüküm no: 480 Orijinal metin no: [57a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mustafa b. Muhammed’in alacağını Muhzır Kılavuz, Kara Mustafa’dan havale tayin edilip borcun tahsil edildiği ve havale ücretinin ödendiği Kazıyye Vech-i tezkiretü’l-hurûf oldur ki Karye-i İsa Çelebi’de Mustafa b. Muhammed şer‘-i şerîf meclisine hâzır olup şöyle ikrâr-ı sahîh ve i‘tirâf-ı sarîh-i mer‘î kılıp dedi ki sâbıkan üç bin beş yüz akçeye Muhzır Kılavuz, Kara Mustafa’dan havâle edip iki yüz elli akçe ücret kavl ettik zikr olan meblağ-ı mezkûrdan üç bin dört yüz akçe bana teslîm olundu bâkī yüz akçe mezkûr Muhzır Kılavuz’un zimmetindedir deyicek mezkûr dahi mezbûrun ikrârını tasdîk edicek mezkûr Mustafa meblağ-ı mezkûrdan ücret kavl üzere iki yüz elli akçe mezkûre teslîm edip deftere sebt olundu. Tahrîren fî evâhiri şehr-i Saferi’l-muzaffer min şuhûri sene sitte ve ışrîn ve tis‘a-mi’e. Şuhûdü’l-hâl: Mehmed b. Yahya, Süleyman b. Mehmed, Hoca Ali b. İsa, Mehmed b. Davud, Süleyman b. Hüseyin, Süleyman b. Hamza Derkenar: Mezkûr Kılavuz zimmetinde olan yüz akçe mezkûr Mustafa’ya teslîm olup deftere sebt olundu.