Üsküdar Mahkemesi 2 Numaralı Sicil (H. 924-927 / M. 1518-1521) cilt: 2, sayfa: 297 Hüküm no: 567 Orijinal metin no: [72b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Kölemen b. Abdullah’ın, Mustafa b. Abdullah’a koyun ürünlerinden satışından borçlu olduğu Kazıyye Vech-i tezkire oldur ki Mustafa b. Abdullah meclis-i şer‘a gelip Kölemen b. Abdullah bile hâzır olup şöyle ikrâr ve i‘tirâf eyledi ki mezkûr Kölemen’e sene hamse ve ışrîn ve tis‘a-mi’e Zilhiccesi’nin evâilinde yüz seksen koyun verdim kıymeti altı bin dört yüz elli akçe mezkûr koyunu üç yıla değin güde [ve] tımar ede koyunun tamâm bahâsı çıka ondan sonra koyunun nısfı benim ve nısfı anın ola iştirâk üzerine ama mezkûr yüz elli koyunun kıymeti altı bin dört yüz elli akçedir meblağ-ı mezkûrun bin yüz akçesin bana mezkûr Kölemen verdi bin yüz akçe ben dahi zimmetinden ıskāt eyledim bin dört [yüz] elli akçe dahi koyunun yününden ve sütünden ve yoğurdundan hâsıl oldu cümle bana üç bin altı yüz elli akçe vâsıl oldu bâkī bin sekiz yüz akçe kaldı deyicek Kölemen dahi bi’l-muvâcehe tasdîk edip sicile kayd olundu. Cerâ zâlike ve hurrire fî gurre-i Cumâdelûlâ sene sitte ve ışrîn ve tis‘a-mi’e. Şuhûdü’l-hâl: Mürüvvet b. Mehmed ve Ahmed b. Hüseyin ve Ali b. Şahin ve İskender b. Abdullah