Üsküdar Mahkemesi 2 Numaralı Sicil (H. 924-927 / M. 1518-1521) cilt: 2, sayfa: 303 Hüküm no: 582 Orijinal metin no: [75a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Emir b. Mustafa ile Süleyman b. Musa’nın alacak verecek konusunda anlaştığı Kazıyye Vech-i tezkire oldur ki Emir b. Mustafa meclis-i şer‘a Süleyman b. Musa’ya bile ihzâr edip takrîr-i da‘vâ edip mezkûr Süleyman zimmetinde bin akçe karz-ı hasenden ve yüz elli akçe Mushaf hediyesinden alacağım vardır deyicek mezkûr Süleyman bi’t-tav‘ ve’r-rızâ bi’l-muvâcehe tasdîk ettikden sonra salifü’z-zikr Emir şöyle ikrâr ve i‘tirâf eyledi ki mezkûr bin yüz elli akçenin altı yüz elli akçesinden mezkûr Süleyman’ın zimmetini berî edip zekâtıma tuttum zimmetinden iskât eyledim bâkī beş yüz akçeye dahi dört aya va‘de verdim va‘dem tamâm olmayınca taleb etmezim deyicek mezkûr Süleyman dahi tasdîk edip kabûl eyledi ve min ba‘d mezkûr beş yüz akçeden gayrı aramızda da‘vâ-yı mukarrer ve nizâ‘ımız yokdur deyu ikrâr eylediler. Cerâ zâlik fî evâili Receb sene 926. Şuhûdü’l-hâl: Mahmud b. Abdullah, Mehmed b. Süleyman, Mustafa b. Süleyman, Davud b. Bayezid, İskender b. Abdullah, Osman b. Ramazan