Üsküdar Mahkemesi 2 Numaralı Sicil (H. 924-927 / M. 1518-1521) cilt: 2, sayfa: 303 Hüküm no: 583 Orijinal metin no: [75a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Süleyman b. Musa’nın ölen Mahmud’a ödünç verdiğini ispat ettiği Kazıyye Vech-i tezkiretü’l-hurûf oldur ki Süleyman b. Musa meclis-i şer‘a Burhan b. Mahmud’u bile ihzâr edip eyitti ki mezkûr Mahmud babana karz-ı hasenden üç yüz akçe verdim öldü üzerinde kaldı el-ân taleb ederim dedikde mezkûr Burhan inkâr edicek müdde‘înin sıdk-ı da‘vâsına muvâfık beyyine taleb olundukda Süleyman b. Davud edâ-yı şehâdet edip ba‘de’t-tezkiye ve’t-ta‘dîl hayyiz-i kabûlde vâki‘ olup talebiyle sicile sebt olundu. Vakt-i hâcetde görüle. Derkenar: Şâhid-i âhar mevkūf olundu hükm olundu. Şuhûdü’l-hâl: Minnet b. Gaybî, Mustafa b. Selman, İbrahim b. Yusuf, Osman b. Ramazan