Üsküdar Mahkemesi 2 Numaralı Sicil (H. 924-927 / M. 1518-1521) cilt: 2, sayfa: 305 Hüküm no: 586 Orijinal metin no: [75b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Yorgi b. Andranoz’un, Yani b. Andranoz tasarrufundaki yer hissesini Dimitri b. Nikola’ya sattığı Vech-i tezkire oldur ki Yorgi b. Adranoz meclis-i şer‘de ikrâr-ı sahîh ile ikrâr edip dedi ki karye-i Herekedone’ye âmil olan Mehmed b. İsa ma‘rifetiyle karye-i mezkûrda Yani b. Adranoz ile bi’l-iştirâk mutasarrıf olduğum yeri Koyunca nâm mevzi‘de cism(?) ayağındadır mezkûr yerin hudûdu cânib-i şimâli tarîk-i âmdır cânib-i kıblîsi bahrdır ve cânib-i şarkîsi çayıra muttasıldır ve cânib-i garbîsi mezkûr Yani b. Adranoz yerine muttasıldır cümle hudûdıyla ve tevâbi‘ ve levâhıkıyla işbu Dimitri b. Nikola’ya yedi tasarrufumun beş yüz akçesin aldım verdim min ba‘d zirâ‘at ve hırâset ede kimesne mâni‘ ve dâfi‘ olmaya dedikde mezkûrân Dimitri ve âmil bi’l-muvâcehe mukırr-ı mezkûru tasdîk ettiler vâki‘ü’l-hâl Dimitri talebiyle sicile sebt olundu. Vakt-i hâcetde görüle. Cerâ zâlike ve hurrire fî evâili Recebi’l-mürecceb sene sitte ve ışrîn ve tis‘a-mi’e. Şuhûdü’l-hâl: Çepni Kurudan Mustafa Bey ve Gora b. Yani ve Yani Papas b. Papa Yorgi ve Yorgi b. Cemalad