Üsküdar Mahkemesi 2 Numaralı Sicil (H. 924-927 / M. 1518-1521) cilt: 2, sayfa: 317 Hüküm no: 619 Orijinal metin no: [80a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. İsa b. Gaybi’nin alacağının ölen mütevelli Ali’nin varislerinden alındığı Sebeb-i tahrîr-i kalem budur ki Nefs-i Üsküdar’dan Ali nâm mütevellî meclis-i şer‘a gelip İsa b. Gaybî’de beş yüz akçe alımı olup ba‘de’t-taleb vârise olan zevcesi Ayşe ve kızı Nefîse tarafından vasî olan Süheyl ve asabe-i sebebiyye olan Hüdâvendigâr [tarafından] hükm-i şerîfle gelen Nebi’ye huzûrlarına getirip meclis-i şer‘de mezkûrlara teslîm eyleyip artık üzerimde hakkı kalmadı deyicek mezkûrlar dahi İsa b. Gaybî’nin kavlini tasdîk ettikden sonra mezkûr İsa’nın berâatına hükm olunup sebt-i sicil olundu. Tahrîren fî evâsıtı Şa‘bâni’l-mübârek sene 926. Şuhûdü’l-hâl: Hacı Karagöz Başmakcı ve Dülger Mustafa ve gayruhum mine’l-müslimîn