Üsküdar Mahkemesi 2 Numaralı Sicil (H. 924-927 / M. 1518-1521) cilt: 2, sayfa: 327 Hüküm no: 645 Orijinal metin no: [83a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ölen Habib Cüllah’ın terekesinin babası olduğunu ispat eden Nesimi b. Mehmed’e verilmesi Sebeb-i tahrîr-i kalem budur ki Karye-i Samandıra’da Habîb nâm cüllâh fevt olup Yedidîvan kazâsından Buçuk dîvânından Nesimî b. Mehmed hâzır gelip mezkûr müteveffâ benim oğlumdur deyu da‘vâ edicek sıdk-ı da‘vâsına muvâfık beyyine taleb olundukda İsrail b. Sevindik ve Süleyman b. Mehmed hâzırân olup edâ-yı şehâdet edip dediler ki işbu müşârun-ileyh Nesimî b. Sevindik mezkûr müteveffânın sulb[î] vâlididir şehâdet ederiz deyu yemîn billâh ettikden sonra hayyiz-i kabûlde vâki‘ olup mezkûr müteveffâ Habîb Cüllâh müşârun-ileyh Nesimî’nin veledi ve [o]ğlu olduğuna hükm olundu ve metrûkâtı her ne varsa müstahik olup hakkı oldu deyu sebt-i sicil olundu. Tahrîren fî evvel-i Zilka‘de sene 926. Şuhûdü’l-hâl: Mahmud Müezzin ve Hacı ve gayruhum mine’l-müslimîn