Üsküdar Mahkemesi 2 Numaralı Sicil (H. 924-927 / M. 1518-1521) cilt: 2, sayfa: 327 Hüküm no: 646 Orijinal metin no: [83a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. İbrahim Ağa Vakfı’nın Kasab Mahmud’a ödünç verdiği Sebeb-i tahrîr-i kalem budur ki Nefs-i Üsküdar’da mütemekkin olan Kasab Mahmud meclis-i şer‘a hâzır gelip şöyle ikrâr kılıp dedi ki merhûm İbrahim Ağa’nın zâviye için vakıf meblağından mütevellî tarafından nâib-i menâb olan İbrahim b. Gündüz elinden karz iki bin ve kuşak bahâsından iki yüz ibtidâ-i târih-i kitâbdan on iki ayda edâ etmek üzere deynim vardır ve mâl-ı mezbûrun zararına Katkun Mehmed kefilim dedikde mezbûr nâib-i menâb olan İbrahim dahi kabûl edip sebt-i sicil olundu. Tahrîren an gurre-i Şevvâl sene 926. Şuhûdü’l-hâl: Nalband Şaban, Hacı Mustafa ve gayruhum mine’l-müslimîn