Üsküdar Mahkemesi 2 Numaralı Sicil (H. 924-927 / M. 1518-1521) cilt: 2, sayfa: 339 Hüküm no: 677 Orijinal metin no: [86b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mutasarrıfı ölen yerin, Ali b. Turhan’a verildiği Fî Taşköprü Kazıyye Vech-i tahrîr oldur ki Taşköprü tevâbi‘inde karye-i Çalu timârı mutasarrıf olan İsa b. Mustafa ve müştereki Hacı b. Kasım meclis-i şer‘a hâzırân olup şöyle ikrâr ve i‘tirâf kılıp dediler ki timârımızda on dört akçelik kavaklı yer tasarruf eden Kızıl İbr[âhim] fevt olup yer mahlûl kaldığı ecilden işbu sâhibü’s-sicil Ali b. Turahan’a bin beş yüz seksen akçe resm-i tapusun alıp verdik mezbûr yer mahdûd bir haddi büyük dereye muttasıldır ve bir haddi köprüye mülâsıkdır ve bir haddi Kalafat yerine muttasıldır ve bir haddi taşa muttasıldır işbu hudûd-ı erba‘a içinde olan yeri mezkûr Ali’ye verdik meblağ-ı mezbûru aldık deyu ikrâr eylediği bâ‘isden mezbûr Ali ben dahi kabûl eyledim dediği ecilden merkūm Ali talebiyle deftere sebt olundu. Tahrîren fî evâsıtı Muharrem sene 927. Şuhûdü’l-hâl: Abdi Fakih b. İsmail ve Musa Fakih b. Kasım ve Receb Kethüdâ b. Hızır ve Ali b. İsa ve gayruhum