Üsküdar Mahkemesi 2 Numaralı Sicil (H. 924-927 / M. 1518-1521) cilt: 2, sayfa: 339 Hüküm no: 678 Orijinal metin no: [86b-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mutasarrıfı ölen yerin Abdi Fakih b. İsmail’e verildiği Fî Taşköprü Kazıyye Vech-i tahrîr oldur ki Karye-i Sevindiklü timârın mutasarrıf[ı] olan Mahmud asâleten ve müştereki Ahmed tarafından vekâleten hâzır gelip şöyle ikrâr ve i‘tirâf kılıp dedi ki karye-i mezbûre sınırında dokuz akçe kavaklı yere mutasarrıf olan Hacı Ahmed fevt olup yeri mu‘attal kaldığı ecilden işbu sâhibü’s-sicil Abdi Fakih b. İsmail’e yedi yüz akçe resm-i tapusun alıp verdik hudûd ma‘lûmdur inde ahâlîhâ deyicek mezbûr Abdi Fakih ben dahi kabûl eyledim dediği ecilden mezbûr Abdi Fakih talebiyle deftere sebt olundu. Tahrîren fî evâsıtı Muharrem sene 927. Şuhûdü’l-hâl: Ali b. Turahan ve Musa Fakih b. Kasım ve Ali b. İsa ve gayruhum mine’l-hâzırîn