Üsküdar Mahkemesi 2 Numaralı Sicil (H. 924-927 / M. 1518-1521) cilt: 2, sayfa: 341 Hüküm no: 681 Orijinal metin no: [87b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Yoros’un ihtisab vergilerinin, İskender b. Abdullah’a mukataaya verildiği Kazıyye Vech-i tahrîr oldur ki Kazâ-yı Gekvize’de ve muhtesib ve Yoros’a muhzır olan Mehmed’in iş eri olan Kılavuz b. Aslıhan meclis-i şer‘a hâzır gelip şöyle ikrâr ve i‘tirâf kılıp dedi ki işbu sâhibü’s-sicil İskender b. Abdullah kazâ-yı Yoros’un ihzârını ve ihtisâbın işbu târih-i kitâbdan iki sene-i kâmile üç yüz akçe verdim deyicek mezkûr İskender ben dahi kabûl ettim deyu ikrâr eylediği sebebden mezbûr Kılavuz talebiyle deftere sebt olundu. Tahrîren fî yevmi’l-ışrîn min şehri Muharremi’l-harâm sene 927. Şuhûdü’l-hâl: Abeydullah Çelebi b. Taceddin ve Ali Câbi b. Abdullah ve Ramazan b. Hacı Mustafa ve gayruhum