Üsküdar Mahkemesi 2 Numaralı Sicil (H. 924-927 / M. 1518-1521) cilt: 2, sayfa: 344 Hüküm no: 690 Orijinal metin no: [88b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ömer b. Bahşayiş’in ulak tarafından alınan atının Yoğurtçu Mustafa’ya teslim edildiği Kazıyye Vech-i tahrîr oldur ki Ömer b. Bahş[ay]iş nâm kimesne meclis-i şer‘a hâzır gelip bilesince Timurhan b. İsmail nâm emîni ihzâr edip dedi ki benim bir kır aygır atım ulak aldı sana geldi deyicek mezkûr Timurhan şöyle ikrâr ve i‘tirâf kılıp dedi ki mezkûr mevsûf at bize geldi biz dahi nefs-i Gekvize’den Mustafa nâm yoğurtçuya teslîm eyledim mezkûr yoğurtçunun nefsine nefs-i Üsküdar’dan Kepçe mahallesinden Hasan b. Mehmed kefîl oldu dedik de mezkûr Hasan kefâleti ikrâr eylediği bâ‘isden mezkûr Ömer talebiyle deftere sebt olundu. Tahrîren fî evâhiri Safer min şuhûri sene seb‘a ve ışrîn ve tis‘a-mi’e. Şuhûdü’l-hâl: Mehmed b. Davud ve Bostan b. Ali ve Pîr Ahmed b. Buhya ve gayruhum