Üsküdar Mahkemesi 2 Numaralı Sicil (H. 924-927 / M. 1518-1521) cilt: 2, sayfa: 344 Hüküm no: 691 Orijinal metin no: [89a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Üsküdar Emin’i Timurhan’ın Yorgi ile içki satış anlaşması Kazıyye Vech-i tezkire oldur ki Üsküdar da emîn [olan] Timurhan b. İsmail meclis-i şer‘a hâzır gelip ikrâr ve i‘tirâf kılıp dedi ki işbu sâhibü’s-sicil Yorgi b. Direnos’a ( ... ) mahallesinde sende (...) ve fıçıya müte‘allik olan hamrdan (...) işbu târih-i kitâbetden üç yıla denlü her senede bin akçeye verdim şol şart üzerine kim her ayda yevmü’l-kıstına cevâb vere deyicek mezkûr Yorgi ben dahi kabûl ettim deyu ikrâr eylediği sebebden mezkûr emîn Timurhan talebiyle deftere sebt olundu. Tahrîren fî gurre-i Rebî‘ilevvel sene 927. Şuhûdü’l-hâl: İbrahim b. Gündüz ve Hasan b. Saruca ve Mürüvvet b. Mehmed ve Mustafa b. Abdullah ve Kılavuz b. Aslıhan ve gayruhum