Üsküdar Mahkemesi 2 Numaralı Sicil (H. 924-927 / M. 1518-1521) cilt: 2, sayfa: 361 Hüküm no: 727 Orijinal metin no: [95a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Kara Hacı’nın, İbrahim b. Ali Fakih’e koyun borcunu ödediği Vech-i tezkiretü’l-hurûf budur ki Kazâ-yı Yoros’dan karye-i Beycilü’den İbrahim b. Ali Fakih meclis-i şer‘a hâzır gelip bile nefs-i Gekvize’den Kara Hacı ihzâr edip mezkûr İbrahim takrîr-i merâm ve tebyîn-i kelâm kılıp eyitti ki mezbûr Kara Hacı’da ganem bahâsından yüz akçe nükûdum vardır taleb ederim ta‘allül eder vermez deyicek mezkûr Hacı’ya suâl olundukda bi’l-inkâr cevâb verdikde mezbûr İbrahim’den alâ sıdkı da‘vâhu beyyine taleb olundukda şâhidden âciz olup mezkûr Kara Hacı’ya yemîn ettirilip fasl-ı husûmete hükm olunup deftere sebt-i sicil olundu. Tahrîren fî evâhiri Recebi’l-mürecceb sene seb‘a ve ışrîn ve tis‘a-mi’e. Şuhûdü’l-hâl: Ali Fakih b. Üveys ve Dede b. Ali Hacı ve Seydi b. İskender ve Ivaz b. Hamza ve Veli b. Racil ve Veli b. Yusuf ve gayruhum mine’l-müslimîne’l-hâzırîn