Üsküdar Mahkemesi 2 Numaralı Sicil (H. 924-927 / M. 1518-1521) cilt: 2, sayfa: 371 Hüküm no: 750 Orijinal metin no: [99a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Yani b. Demirci’nin, ölen Kara Mihal’den ödünçten alacaklı olduğu Sebeb-i tahrîr-i hurûf oldur ki Yani b. Demirci meclis-i şer‘a müteveffâ [Kara] Mihal’in avreti Komonini bt. Todora ve karye-i Çengel âmilleri Andranikoz b. Matyos ve Yorgi b. Papas mahzarlarında takrîr-i da‘vâ kılıp mezkûr Mihal fevt olup üzerinde karz-ı hasenden yüz yirmi akçem kaldı taleb ederim deyicek sıdk-ı da‘vâsına muvâfık beyyine taleb olundukda Karaca b. Yusuf ve Yani b. Nikola şehâdet edip şehâdetleri hayyiz-i kabûlde vâki‘ olup meblağ-ı mezbûr hükm olundu. Cerâ zâlike hurrire fî evâhiri Rebî‘ilâhir sene seb‘a ve ışrîn ve tis‘a-mi’e. Şuhûdü’l-hâl: Yeniçeri Hayreddin b. Abdullah ve Emir b. Mustafa ve Ahmed b. Mehmed Derkenar: Mezkûra dahi vefâ eylemediği bâ‘isden yüz akçe verildi.