Üsküdar Mahkemesi 2 Numaralı Sicil (H. 924-927 / M. 1518-1521) cilt: 2, sayfa: 372 Hüküm no: 753 Orijinal metin no: [99b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Yeniçeri Mustafa b. Abdullah’ın, ölen Kara Mihal’den ödünçten alacaklı olduğu Vech-i tezkiretü’l-hurûf oldur ki Yeniçeri Mustafa b. Abdullah meclis-i şer‘a Kara Mihal’in avreti Komonini bt. Todora ve karye-i Çengel âmilleri Andranikoz b. Matyos ve Yorgi b. Papas mahzarlarında takrîr-i da‘vâ edip mezkûr Kara Mihal’in üzerinde karz-ı hasendan iki yüz akçem vardı öldü üzerinde kaldı taleb ederiz deyicek sıdk-ı da‘vâsına muvâfık beyyine taleb olundukda Karaca b. Yusuf ve Yani b. Nikola şehâdet ederler şehâdetleri hayyiz-i kabûlde vâki‘ olup meblağ-ı mezkûr hükm olundu. Cerâ [zâlike] fî evâhiri Rebî‘ilâhir sene 927. Şuhûdü’l-hâl: Yeniçeri Hayreddin b. Abdullah el Korucu ve Emir b. Mustafa ve Ahmed b. Mehmed ve Hasan b. Abdullah Derkenar: Vech-i tahrîr oldur ki (…) Hüseyin nâm bir yeniçeri yoldaşı dahi yüz akçe isbât edip iki yüz yetmiş akçe verildiği sebt olundu.