Üsküdar Mahkemesi 2 Numaralı Sicil (H. 924-927 / M. 1518-1521) cilt: 2, sayfa: 373 Hüküm no: 754 Orijinal metin no: [99b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Komonini b. Todora’nın ölen kocası Kara Mihal’den ödünçten alacağının Çengelköy amilleri tarafından ödendiği Vech-i tezkire oldur ki Müteveffâ Kara Mihal’in avreti Komonini bt. Todora karye-i Çengel âmilleri olan Andranikoz b. Matyos [ve Yorgi b. Papas] mahzarlarında takrîr-i da‘vâ kılıp zevcim Kara Mihal fevt olup üzerinde karz-ı hasenden beş yüz akçem kaldı taleb ederim deyicek sıdk-ı kelâmına muvâfık beyyine taleb olundukda şuhûd-ı udûlden Yorgi b. Papas ve Yani b. Demirci şehâdet ederler hayyiz-i kabûlde vâki‘ olup âmiller mahzarında hükm olundu sicil[e] kayd olundu. Cerâ zâlike fî evâhiri Rebî‘ilâhir sene seb‘a ve ışrîn ve tis‘a-mi’e. Şuhûdü’l-hâl: Yeniçeri Hayreddin b. Abdullah ve Emir b. Mustafa ve Ahmed b. Mehmed ve gayruhum mine’l-hâzırîn Derkenar: Mezbûra dahi dört yüz elli akçe verilip cümlesi bi’t-tav‘ ve’r-rızâ birer mikdâr kusûr ile müteselli olup sebt-i sicil olundu. Ummâl ve ehl-i karye mahzarlarında.