Üsküdar Mahkemesi 2 Numaralı Sicil (H. 924-927 / M. 1518-1521) cilt: 2, sayfa: 478 Hüküm no: 889 Orijinal metin no: [128b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Yorgi b. Pişkeş’in tarlanın yarısını Mehmed’e sattığı Sebeb-i tahrîr-i hurûf oldur ki Karye-i Kadı’dan Yorgi b. Pişkeş’[i] meclis-i şer‘a (...) ihzâr edip mezkûr Yorgi takrîr-i merâm kılıp eyitti ki karye-i mezkûrede Kalamış demekle ma‘rûf yerde bir tarladan hudûd kıbleten İbrahim b. Sinan ve şimâlen tarîk-i âma muttasıldır ve şarken mezkûr İbrahim yerine muttasıldır ve garben Silahdar Karagöz b. Abdullah yerine muttasıldır işbu hudûd-ı erba‘ayla mahdûd olan yerin nısfını mezkûr Mehmed’e yüz elli akçeye hakk-ı karârın ben verdim min ba‘d zirâ‘at ve hırâset eden hiç kimesne mâni‘ ve dâfi‘ olmaya deyu ikrâr ve i‘tirâf eyledi ikrâren sahîhân şer‘iyyen ve i‘tirâfen sarîhen mer‘iyyen mezbû[r] Mehmed mukırr-ı mezkûru kavlinde bi’l-muvâcehe tasdîk eyleyip deftere sebt-i sicil olundu. Tahrîren fî evâhiri Recebi’l-mürecceb sene seb‘a ve ışrîn ve tis‘a-mi’e. Şuhûdü’l-hâl: Mahmud b. Yorgi ve Nalbant Hacı b. Kılavuz ve Nalbant birâder-i O ve Mehmed b. İshak ve gayruhum mine’l-hâzırîn