Üsküdar Mahkemesi 2 Numaralı Sicil (H. 924-927 / M. 1518-1521) cilt: 2, sayfa: 478 Hüküm no: 888 Orijinal metin no: [128a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ahmed b. İsa ve Mehmed b. Süleyman’ın Kalamış’taki yerin yarısını Yorgi Pişkeş’e sattığı Vech-i tezkire oldur ki Karye-i Kadı’nın el-ân câbisi olan Ahmed b. İsa ve Mehmed b. Süleyman meclis-i şer‘a hâzırân olup bile karye-i mezkûreden Yorgi Pi[ş]keş’i ihzâr edip mezkûrân Mehmed ve diğer Mehmed takrîr-i merâm kılıp eyittiler ki Kalamış yeri demekle ma‘rûf yerde bir mikdâr yer hudûd kıbleten İbrahim yerine muttasıldır ve şimâlen tarîk-i âma muttasıldır ve şarken mezkûr İbrahim yerine muttasıldır ve garben Silahdar Karagöz b. Abdullah yerine muttasıldır işbu hudûd-ı erba‘ayla mahdûd olan yerde tasarruf ettiği yerin nısfını mezkûr Yorgi’ye yüz akçeye hakk-ı karâr biz verdik meblağ-ı mezkûru dahi kabz ettik min ba‘d zirâ‘at ve hırâset ede hiç kimesne mâni‘ ve dâfi‘ olmaya deyu ikrâr ve i‘tirâf eylediler mezkûr Yorgi mukırrân-ı mezkûrân kavillerinden bi’l-muvâcehe tasdîk eyleyip deftere sebt-i sicil olundu. Tahrîren fî evâhiri Recebi’l-mürecceb sene seb‘a ve ışrîn ve tis‘a-mi’e. Şuhûdü’l-hâl: Ve Mahmut(?) b. Yorgi ve Nalbant Hacı b. Kılavuz ve Nalbant birâder-i O ve Kasab Mahmud b. Abdullah ve gayruhum mine’l-müslimîne’l-hâzırîn ve’n-nâzırîn