Üsküdar Mahkemesi 5 Numaralı Sicil (H.930-936 / M. 1524-1530) cilt: 3, sayfa: 76 Hüküm no: 75 Orijinal metin no: [9a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Bosna asıllı kölenin vebadan ölmesi Vech-i tezkiretü’l-hurûf budur ki Nazar b. Yahşi meclis-i şer‘de nâhiye-i Üsküdar’da acemi yeniçeriler kethudâsı olan Hacı b. Abdullah mahzarında takrîr-i müdde‘â kılıp eyitti ki, bundan esbak hızmetimde olan Yusuf nâm asferü’l-levn, azraku’l-ayneyn mu‘tedilü’l-kāme Bosnaviyyü’l-asl acemi yeniçeri maraz-ı tâ‘ûndan müteveffâ oldu, dedikde gıbbe’l-istişhâd udûl-i müslimînden Evrenos b. Yahşi ve Süleyman b. Abdi ve Şahkulu b. Süleyman ve Bâli b. Aslıhan ve Hamza [b.] Abdullah el-hür ve Murad Çelebi b. Mevlâna İsa bi-esrihim ilerü gelüp edâ-i şehâdet ettiler ki vech-i meşrûh üzere zikr olunan acemi yeniçeri oğlanı maraz-ı tâ‘ûna mübtelâ olup müteveffâ oldu, biz defninde bile idik, dediklerinde gıbbe’t-tezkiye ve’t-ta‘dîl hayyiz-i kabûlde vâkı‘ olup talebiyle deftere sebt olundu. Tahrîren [fî] târihi’l-mezbûr. Şuhûdü’l-hâl: Mezkûrlar.