Üsküdar Mahkemesi 5 Numaralı Sicil (H.930-936 / M. 1524-1530) cilt: 3, sayfa: 103 Hüküm no: 164 Orijinal metin no: [17b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mehmed Paşa Vakfı’nın bozahanesinin kiralanması Vech-i tahrîr-i hurûf budur ki Nefs-i Üsküdar’dan merhûm Mehmed Paşa evkafından bozahâneyi sâbıkan yevmî beş akçeye mukāta‘aya tutan Saraç Mustafa b. Abdullah ve Şahbâli b. Ahmed mezbûr vakıf mütevellîsinden Ferhad Bey b. Abdullah mahzarında takrîr-i merâm kılıp eyitti ki, vech-i şer‘î üzere tutulan bozahâne ecr-i misli olmayıp yevm altıdan çıkarmaz dedikde da‘vâ-yı muharreresine muvâfık beyyine taleb olundukda Çıplak Mehmedî b. İsa ve Bâli b. Memi, Hasan b. İsmail ve Mahmud b. Yusuf şehâdet-i şer‘iyye eyledikleri hayyiz-i kabûlde vâkı‘ olup ve mütevellî dahi râzı olup sebt-i sicil olundu. Tahrîren fî evâhıri evveli’r-Rebî‘ayn sene 931. Şuhûdü’l-hâl: Mevlâna Süleyman Fakih b. Yusuf, Muslihiddin Bey b. Abdullah, Mehmed b. Süleyman.