Üsküdar Mahkemesi 5 Numaralı Sicil (H.930-936 / M. 1524-1530) cilt: 3, sayfa: 104 Hüküm no: 165 Orijinal metin no: [17b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Yusuf b. Abdullah’ın tasarrufundaki kuyunun vakıf olduğu Vech-i tezkiretü’l-hurûf budur ki Kulağuz b. Aslıhan meclis-i şer‘de Semerci Yusuf b. Abdullah mahzarında takrîr-i merâm kılıp eyitti ki, hâliyâ taht-ı tasarrufunda olan kuyu vakıfdır, sen mâlikâne mutasarrıfsın ve vakfiyyetine dahi hüccetim vardır, sâbıkda Kadı olan Mevlâna Sinan Halife’nin imzâsı ile hüccet ibrâz eyledikde mazmûnun sâbit eyleyip ve mahalle halkından ve sâirden Kemal b. Mustafa, İbrahim b. Gündüz, Şaban b. Mustafa mezbûr kuyunun vakfiyyetine şehâdet eyledikleri hayyiz-i kabûlde vâkı‘ olup vakfiyyete hükm olundukdan sonra etrâfında binâ olunan fırının ve gayrının vakıf yerde vâkı‘ olduğu sübût bulup hükm olunduğu talebiyle sebt-i sicil olundu. Tahrîren fî evâhıri âhıri’r-Rebî‘ayn sene 931. Şuhûdü’l-hâl: Mustafa b. Receb, Musa b. Şaban, Hasan b. Turmuş, Kadir b. Mustafa, Ali b. Kemal Süleyman b. el-Hâc Mehmed, Mehmed b. Süleyman ve gayruhüm.