Üsküdar Mahkemesi 5 Numaralı Sicil (H.930-936 / M. 1524-1530) cilt: 3, sayfa: 109 Hüküm no: 178 Orijinal metin no: [19a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mehmed b. Salih ile Mehmed Fakih b. Davud’un alacak davası Vech-i tahrîr-i hurûf budur ki Mehmed b. Salih meclis-i şer‘de karye-i Samandıra kurbunda mütemekkin Mehmed Fakih b. Davud’u ihzâr edip şöyle takrîr-i merâm kılıp eyitti ki, merhûm birâderim Bekir’in senin ve zimmetinde dört bin akçesi vardır bana irsle intikāl etmişdir, diye taleb eyledikde mezkûr Mehmed bi’l-muvâcehe inkâr edicek Mehmed’den beyyine taleb olunup acz-i beyyine izhâr ettiği ecilden merkūm Mehmed Fakih zimmetimde bir habbe yokdur diye yemîn edicek mâ-beynlerinde kat‘-ı nizâ‘ olunup sebt-i sicil olundu. Tahrîren fî evâili ûle’l-Cumâdeyn sene 931. Şuhûdü’l-hâl: Mevlâna Sinan Halife b. Evhad, Timurhan b. İsmail, Mehmed b. Süleyman, Ayas b. Abdullah.