Üsküdar Mahkemesi 5 Numaralı Sicil (H.930-936 / M. 1524-1530) cilt: 3, sayfa: 111 Hüküm no: 186 Orijinal metin no: [19b-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Haddâd Hamza’nın vakfettiği evin satılması Vech-i tahrîr-i sicil budur ki, Merhûm Haddâd Hamza’nın Bulgurlu mahallesi mescidi imâmına vakf ettiği evin harâba müteveccih olduğuna cemm-i gafîr ve cemm-i kesîr şehâdet ettiğinden sonra ber-mûceb-i fetvâ-yı müftî-i zaman bey‘ine hükm olundukdan sonra nefs-i Üsküdar’dan neccâr Turbâli b. Gaybi’ye dört bin râyicü’l-vakt akçeye bey‘ olunup meblağ-ı mezbûra tâcir İsa b. Gaybi mütevellî nasb olunup mezbûr meblağ her senede dört yüz kırk akçeye istirbâh olunup elli akçesi mezkûr mütevellîye verilip üç yüz doksan akçesin merkūm imâma olmak şartı üzere sebt-i sicil olundu. Tahrîren fî 7 ûle’l-Cumâdeyn sene ihdâ ve selâsîne ve tis‘a mi’e. Şuhûdü’l-hâl: Mehmed b. İsa, Musa b. Ahmed, Berber Hasan b. Musa ve kâtibü’l-hurûf.