Üsküdar Mahkemesi 5 Numaralı Sicil (H.930-936 / M. 1524-1530) cilt: 3, sayfa: 188 Hüküm no: 269 Orijinal metin no: [37a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ölen Luka b. Nikola’nın Yeniçeri Mahmud b. Todora’ya borcunun terekesinden ödenmesi Kazıyye budur ki Mahmud b. Todora er-râcil şer‘-i şerîf-i Nebevî meclisine hâzır olup bilesince Luka’nın vasîsi olan Todora b. Kalod’u ihzâr edip üzerine şöyle takrîr-i da‘vâ kılıp eyitti ki, müteveffâ Luka zimmetinde bin üç yüz akçe hakkım ve alımım vardır terekesinden taleb ederim, dedikde vasî-i mezbûr ikrâr ? [inkâr olmalı] ettikden sonra beyyine taleb olunup Todora b. Kalod [...] meclis-i şer‘a hâzırân olup edâ-i şehâdet-i şer‘iyye kılıp eyittiler ki, biz şehâdet ederiz mezkûr Yeniçeri Mahmud’un müteveffâ Luka zimmetinde bin üç yüz akçe hakkı ve alımı kaldı, alıp zimmetindedir diye şehâdet ettiklerinden sonra muhallefât-ı mezbûrdan hükm olundukdan sonra gıbbe’t-taleb tescîl olundu. Tahrîren fî evâhıri evveli’r-Rebî‘ayn li-seneti erba‘ ve selâsîne ve tis‘a mi’e. Şuhûdü’l-hâl: Şâhidûnü’l-mezkûrûn.