Üsküdar Mahkemesi 5 Numaralı Sicil (H.930-936 / M. 1524-1530) cilt: 3, sayfa: 187 Hüküm no: 268 Orijinal metin no: [37a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ölen Luka b. Nikola’nın Todora b. Kalod’a olan borcunun terekesinden ödenmesi Kazıyye budur ki Karye-i Çengel’den Todora b. Kalod şer‘-i şerîf-i Nebevî meclisine hâzır olup bilesince Luka b. Nikola’nın vasîsi olan Todora b. Kalod’u ihzâr edip üzerine şöyle takrîr-i da‘vâ kılıp eyitti ki, müteveffâ Luka üzerinde sekiz yüz akçe hakkım ve alımım vardır muhallefâtından taleb ederim, dedikde mezbûr vasî inkâr edip gıbbe’l-inkâr beyyine taleb olundukda Hayreddin b. Yusuf ve Marko b. Kosta ve Karaca b. Yusuf hâzırûn olup şöyle şehâdet-i şer‘iyye kılıp eyittiler ki, şehâdet ederiz müteveffâ-yı mezbûr Luka zimmetinde Todora b. Kalod’un sekiz yüz akçe hakkı ve alımı vardır, alıp üzerinde kaldı diye şehâdet ettiklerinden sonra gıbbe’t-ta‘dîl hayyiz-i kabûlde vâkı‘ olup müteveffâ-yı mezbûrun terekesinden hükm olunup gıbbe’t-taleb tescîl olundu. Tahrîren fî evâhıri evveli’r-Rebî‘ayn li-seneti erba‘ ve selâsîne ve tis‘a mi’e. Şuhûdü’l-hâl: Şâhidûnü’l-mezbûrûn.