Üsküdar Mahkemesi 5 Numaralı Sicil (H.930-936 / M. 1524-1530) cilt: 3, sayfa: 200 Hüküm no: 288 Orijinal metin no: [42b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Hamza b. Hüdaverdi’nin camiden kilim, kaliçe ve seccade çalması Vech-i tahrîr-i hurûf budur ki Livâ-i Çorum’dan kazâ-i Budaközü’nden karye-i Alacaatlu’dan Hamza b. Hüdaverdi’yi kazâ-i Haslara tâbi‘ olan karye-i Maltepe korucusu Yeniçeri Mehmed b. Abdullah meclis-i şer‘a ihzâr edip dedi ki karye-i Samandıra’da vâkı‘ olan câmi‘den bazı kaliçe, kilim ve seccâdeler sirkat olunup mezkûr Hamza’nın zikr olunan esbâbı aynıyla elinde buldum, dedikde mezkûr Hamza’ya suâl olundukda bi’l-ikrâr cevâb verip dedi kim mezkûr câmi‘in sol cânibinde kıbleden yanında vâkı‘ olan manzarayı bozup görüp sâlifü’z-zikr esbâbı aynıyla sirkat eyledim dedi ikrârı talebiyle sebt-i sicil olundu. Tahrîren fî evâsıtı Recebi’l-mürecceb sene ihdâ ve selâsîne ve tis‘a mi’e. Şuhûdü’l-hâl: Mevlâna Şücâ‘ Halife b. İsmail Fakih, Alâeddin b. Üveys, Osman b. Ramazan, Hacı Hüseyin b. Ahmed, Bâli b. Aslıhan ve gayruhüm.