Üsküdar Mahkemesi 5 Numaralı Sicil (H.930-936 / M. 1524-1530) cilt: 3, sayfa: 201 Hüküm no: 289 Orijinal metin no: [42b-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Yahşi b. İsa’nın çoban Nikola b. Yorgi’ye koyun satması Vech-i tahrîr-i sicil budur ki Karye-i Demüricili’den Yahşi b. İsa, Çoban Nikola b. Yorgi[’yi] meclis-i şer‘a ihzâr edip bana bir mikdâr ganem bey‘ eyledin cemî‘ esbâbıyla ve merkep ile ve kelbiyle ma‘iyyetiyle bey‘ eyledin, dedikde mezkûr bi’l-inkâr cevâb vericek udûl-i müslimînden Mehmedî b. Süleyman ve Hasan b. Mürsel ve da‘vâ-yı muharreresine muvâfık şehâdet-i şer‘iyye ettikleri ba‘de’t-tezkiye ve’t-tahlîfi’l-âdî hayyiz-i kabûlde vâkı‘ olup talebiyle sebt-i sicil olundu. Tahrîren fî evâsıtı Recebi’l-mürecceb sene ihdâ ve selâsîne ve tis‘a mi’e. Şuhûdü’l-hâl: Mevlâna Süleyman Halife b. İsmail Fakih, Alâeddin b. Üveys, Mehmed b. Davud ve gayruhüm.