Üsküdar Mahkemesi 5 Numaralı Sicil (H.930-936 / M. 1524-1530) cilt: 3, sayfa: 210 Hüküm no: 314 Orijinal metin no: [48b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Rus asıllı kaçak kölenin sahibine teslim edilmesi Vech-i tezkiretü’l-hurûf budur ki Karye-i Çengel’den Karatelo nâm zimmî bir sagîr oğlan sarışın gök gözlü açık kaşlı Ferhad nâm abd-ı âbıkı tutup başına keçe külâh ve arkasına eski kebe ve ayağına çarık giyer Rûsiyyü’l-asl abd-ı âbıkı sene selâsîne ve tis‘a mi’e Şa‘bânının dördüncü günü yevmü’l-isneynde fahru’l-a‘yân Çavuş Hayreddin âdemisi Mahmud’a teslîm olunup nafakası ve hıfzı için yevmî ikişer akçe takdîr olundu. Tahrîren fî evâili Şa‘bâni’l-mu‘azzam sene 930. Şuhûdü’l-hâl: Mehmed b. Süleyman, Berber Ahmed b. Musa. Mezkûr [u] mevsûf abd-ı âbıkın sâhibi kazâ-i Yoros’dan karye-i Deresekili’den Murad b. Abdullah Bey imiş, teslîm olundu. Tahrîren fî Şa‘bâni’l-mu‘azzam sene 930.