Üsküdar Mahkemesi 5 Numaralı Sicil (H.930-936 / M. 1524-1530) cilt: 3, sayfa: 211 Hüküm no: 315 Orijinal metin no: [48b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Rus asıllı kaçak kölenin sahibine teslim edilmesi Vech-i tezkiretü’l-hurûf budur ki Bostan oğlanlarından Mustafa nâm kimesne bir orta boylu, açık kaşlı, gök gözlü, kösetü’l-lihye Hırvadiyyü’l-asl abd-ı âbıkı sene selâsîne ve tis‘a mi’e Recebinin yirminci gününde tutup fahru’l-a‘yân Hayreddin Çavuş’un âdemisi Mahmud’a teslîm olunup nafakası ve hıfzı için yevmî ikişer akçe takdîr olundu. Tahrîren fî evâhıri Şa‘bâni’l-mu‘azzam sene 930. Şuhûdü’l-hâl: Berber Ahmed b. Musa, Ali b. Abdullah. Mezkûr [u] mevsûf abd-ı âbıkın sâhibi livâ-i Bolu’dan kazâ-i Devrek’den karye-i Kabece’den Ali b. İbrahim imiş. İ‘timad olunduğu ecilden teslîm olundu. Şuhûdü’l-hâl: Ahmed b. Musa ve kâtibü’l-hurûf.