Üsküdar Mahkemesi 5 Numaralı Sicil (H.930-936 / M. 1524-1530) cilt: 3, sayfa: 242 Hüküm no: 397 Orijinal metin no: [58a-5] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Rus asıllı kaçak kölenin sahibine teslim edilmesi Vech-i tezkiretü’l-hurûf budur ki Acemi oğlanlardan Hamza nâm kimesne bir uzun boylu, açık kaşlı, koyun gözlü, sarışın, başına gök köhne yelken takye ve arkasına köhne kebe ve ayağına köhne bez çakşır giyer Rûsiyyü’l-asl abd-ı âbıkı gurre-i Recebin üçüncü günü tutup Üsküdar Emîni Timurhan’a teslîm olunup nafakası ve hıfzı için yevmî ikişer akçe takdîr olundu. Tahrîren fî evâhıri Recebi’l-mürecceb sene 930. Şuhûdü’l-hâl: Mehmed b. Süleyman, Kulağuz b. Aslıhan. Mezkûr [u] mevsûf abd-ı âbıkın sâhibi kazâ-i Yenice’de Karapürçek nâm karyeden Mehmed b. Ahmed imiş, teslîm olunup deftere sebt olundu. Tahrîren fî evâhıri Receb 28 sene 930.