Üsküdar Mahkemesi 5 Numaralı Sicil (H.930-936 / M. 1524-1530) cilt: 3, sayfa: 243 Hüküm no: 398 Orijinal metin no: [58b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Rus asıllı kaçak kölenin sahibine teslim edilmesi Vech-i tezkiretü’l-hurûf budur ki Burak Reis nâm kimesne kumralü’ş-şekl, eflecü’l-hâcibeyn, ganemü’l-ayneyn, sâhibü’l-lihye, evsatu’l-kāme, başına keçe takye ve eğinine ak kebe ve ayağına pabuç ve iç edik giyer Rûsiyyü’l-asl abd-ı âbıkı şehr-i Şa‘ban-ı mu‘azzamın sekizinci günü yevmü’l-Cum‘a’da tutup Üsküdar Emîni Timurhan b. İsmail’e teslîm olunup nafakası ve hıfzı için yevmî ikişer akçe takdîr olundu. Tahrîren fî Şa‘bâni’l-mu‘azzam sene 930. Şuhûdü’l-hâl: Hamza b. Şaban, Mustafa b. İsa Fakih, Süleyman b. Mehmed ve gayruhüm. Mezkûr [u] mevsûf abd-ı âbıkın [sâhibi] kazâ-i Yalakābad ve karye-i Konuklu’dan Pîr Ali imiş, Abdurrahman ammisini bulmasına vekîl eylemiş, teslîm olundu. Tahrîren fî yev[mi]’s-sebt min şehri Şa‘bân sene 930 Şuhûdü’l-hâl: Ali b. Ahmed ve birâderi Hamza b. Abdullah.