Üsküdar Mahkemesi 5 Numaralı Sicil (H.930-936 / M. 1524-1530) cilt: 3, sayfa: 243 Hüküm no: 399 Orijinal metin no: [58b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Rus asıllı kaçak kölenin sahibine teslim edilmesi Vech-i tezkiretü’l-hurûf budur ki Mezbûr Burak Reis nâm kimesne bir gendümü’l-levn, ezraku’l-ayneyn, esvedü’l-lihye, tavîlü’l-kāme, başına keçe takye ve eğinine ak kebe ve ayağına pabuç giyer Rûsiyyü’l-asl abd-ı âbıkı tutup nafakası ve hıfzı için yevmî ikişer akçe takdîr olunup Üsküdar Emîni Timurhan’a teslîm olundu. Fî 8 şehri Şa‘bân sene selâsîne ve tis‘a mi’e. Şuhûdü’l-hâl: Mezkûrlar. Mezkûr [u] mevsûf abd-ı âbıkın sâhibi kazâ-i mezkûrdan karye-i mezbûrdan Bâli imiş, mezbûr gurrede teslîm olundu. Tahrîren [fî] târihi’l-mezbûr. Şuhûdü’l-hâl: Mezbûrlar.