Üsküdar Mahkemesi 5 Numaralı Sicil (H.930-936 / M. 1524-1530) cilt: 3, sayfa: 244 Hüküm no: 402 Orijinal metin no: [58b-5] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Rus asıllı kaçak kölenin sahibine teslim edilmesi Vech-i tezkiretü’l-hurûf budur ki Hamza b. Şaban meclis-i şer‘a bir asferü’l-levn, ezraku’l-ayneyn, eflecü’l-hâcibeyn, evsatu’l-kāme, başına keçe köhne takye ve eğinine gök köhne fistan ve ayağına köhne yeniçeri pabucu giyer Rûsiyyü’l-asl abd-ı âbıkı mezbûr sene ve târihde tutup Ases Mustafa’ya teslîm olunup nafakası ve hıfzı için yevmî ikişer akçe [takdîr] olundu. Tahrîren [fî] târihi’l-mezbûr. Şuhûd: Mezkûrlar. Zikr olunan abd-ı âbık tevâbi‘-i İznikmid’den karye-i Mihaliç’de mütemekkin olan Yeniçeri Mustafa’nın idiği ve bundan esbak Topal İbrahim getirdiği abd-ı âbıkı karye-i mezbûrede mütemekkin olan Kılıççı Karagöz’ün idiği mezbûr Yeniçeri Muslihiddin demesiyle i‘timâd olunup teslîm olunup deftere sebt olundu. Tahrîren fi’l-yevmi’l-hâmis ve’l-ışrîne min şehri Ramazâni’l-mübârek sene 930. Şuhûdü’l-hâl: Receb b. İvaz.