Üsküdar Mahkemesi 5 Numaralı Sicil (H.930-936 / M. 1524-1530) cilt: 3, sayfa: 245 Hüküm no: 403 Orijinal metin no: [59a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Hırvat asıllı kaçak kölenin sahibine teslim edilmesi Vech-i tezkiretü’l-hurûf budur ki Süleyman b. Abdi meclis-i şer‘de bir asferü’l-levn, eflecü’l-hâcibeyn, ezraku’l-ayneyn, evsatu’l-kāme, başına keçe yelken takye ve eğinine bir yüzü siyah ve bir cânibi ak aba giyer Hırvadiyyü’l-asl abd-ı âbıkı sene-i mezbûrda ve yevmü’l-ahadda tutup Ases Mustafa’ya teslîm olunup nafakası ve hıfzı için yevmî ikişer akçe takdîr olundu. Tahrîren [fî] sene-i mezkû[r]. Şuhûdü’l-hâl: Mezkûrlar. Mezkûr [u] mevsûf abd-ı âbıkın sâhibi Yenişehir’den Hüseyin Çelebi b. Ali Bey nâm kimesnenin imiş. Gulâmı Ahmed nâm kimesneye i‘timâd olunduğu ecilden teslîm olundu. Tahrîren fî evâhıri Şevvâli’l-mübârek sene 930. Şuhûdü’l-hâl: Kāsım b. el-Arab müezzin, Kulağuz b. Aslıhan.