Üsküdar Mahkemesi 5 Numaralı Sicil (H.930-936 / M. 1524-1530) cilt: 3, sayfa: 261 Hüküm no: 445 Orijinal metin no: [63a-5] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Başıboş mandanın satılması Vech-i tahrîr-i sicil budur ki Timurhan b. İsmail meclis-i şer‘de bir camus ineği ve kıç butunda damgalı tutup mezkûr Timurhan’a teslîm olunup nafakası ve hıfzı için yevmî iki akçe takdîr olundu. Tahrîren fî 17 Şevvâli’l-mükerrem sene ihdâ ve selâsîne ve tis‘a mi’e. Şuhûdü’l-hâl: Mevlâna Süleyman b. Yusuf, Ali b. Hasan, Ali b. Abdullah ve gayruhüm Zikr olunan camus ineğinin müddet-i örfiyyesi tamâm olup kasaba-i Üsküdar’da mirâren mezâd olundukdan sonra iki yüz elli akçeye bey‘ olundukdan sonra altmış akçe nafakasına ve hıfzına ve on dört akçe sicillâta ve onbeş akçe müjdegânesine ve dört akçe dellâliyesine cem‘an yüz üç akçe, bâkī yüz kırk yedi akçe Timurhan’a emânet konulup sebt-i sicil olundu. Tahrîren fî 13 Zilhicce sene 931. Şuhûdü’l-hâl: Hacı Mustafa b. İsa, Hacı Hüseyin b. Kulağuz, Mustafa b. Bahadır ve gayruhüm.