Üsküdar Mahkemesi 5 Numaralı Sicil (H.930-936 / M. 1524-1530) cilt: 3, sayfa: 270 Hüküm no: 466 Orijinal metin no: [66a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Emanete bırakılan ulak atının satılması Kazıyye budur ki Üsküdar Emîni Timurhan b. İsmail şer‘-i şerîf meclisine hâzır gelip işbu vechile takrîr-i kelâm kılıp eyitti ki, bir al bârgir ki sol gözü kördür, ulak binip getirip Üsküdar’da bırakıp ihtiyâtan iki ay mikdârı vardır hıfz olunur. Hâliyâ sâhibi gelmeyip takdîr-i nafaka taleb eyledikde gıbbe’t-taleb yevmî iki akçe takdîr olunup tescîl olundu. Tahrîren fi’l-yevmi’s-sâmin min şehri Recebi’l-mürecceb sene erba‘ ve selâsîne ve tis‘a mi’e. Şuhûdü’l-hâl: Hacı Hüseyin b. Ahmed, Pîr Ahmed b. Mehmed, Mehmed b. Süleyman ve gayruhüm. Mezkûr feresin müddet-i örfiyyesi tamâm olup mirâren mezâd olundukda Hacı b. Timurhan’a yetmiş akçeye bey‘ olunup gıbbe’t-taleb tescîl olundu. Tahrîren fî evâsıtı Şa‘bâni’l-mu‘azzam li-sene 934. Şuhûdü’l-hâl: Mehmed b. Süleyman, Bâli Fakih b. Hızır, Pîri b. Aslıhan ve gayruhüm.