Üsküdar Mahkemesi 5 Numaralı Sicil (H.930-936 / M. 1524-1530) cilt: 3, sayfa: 271 Hüküm no: 467 Orijinal metin no: [66a-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ulak atının vekile teslim edilmesi Kazıyye budur ki Timurhan b. İsmail meclis-i şer‘a hâzır gelip yirmi gün mikdârı vardır ki ulak binip getirip Üsküdar’da bir al bârgiri bırakıp gitti. Hâliyâ takdîr-i nafaka taleb eyledikde nafakası ve hıfzı için yevmî iki akçe takdîr olunup sebt-i sicil olundu. Tahrîren fî târihi’l-mezbûr. Şuhûdü’l-hâl: Mezkûrûn. Zikr olunan [feres] nefs-i İznikmid kurbunda karye-i Sabancı’da Balcı nâm kimesnenin olup vekîl olan Çalapverdi nâm kimesneye teslîm olunup Timurhan b. İsmail talebiyle sebt-i sicil olundu. Tahrîren fî evâhıri Recebi’l-mürecceb sene erba‘ ve selâsîne ve tis‘a mi’e. Şuhûdü’l-hâl: Mehmed b. Süleyman, Bâli b. Aslıhan, İsa b. Gaybi.