Üsküdar Mahkemesi 5 Numaralı Sicil (H.930-936 / M. 1524-1530) cilt: 3, sayfa: 271 Hüküm no: 468 Orijinal metin no: [66b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ulak atının satılması Kazıyye budur ki Timurhan b. İsmail el-emîn Üsküdar meclis-i şer‘a hâzır gelip işbu vechile ikrâr eyleyip eyitti ki, Hudâvendigâr ulaklarından vilâyet-i Anadolu’dan gelip gurre-i Recebin yirmi yedinci gününde kasaba-i Üsküdar’a geldikde bir al bârgiri bırakıp İslambol’a gittikde ihtiyâtan ilâ yevminâ hâzâ hıfz olundukda hâliyâ nafakası ve hıfzı için yevmî iki akçe takdîr olunup gıbbe’t-taleb tescîl olundu. Tahrîren fi’l-yevmi’s-sâbi‘ min şehri Şa‘bâni’l-mu‘azzam li-seneti erba‘ ve selâsîn ve tis‘a mi’e. Şuhûdü’l-hâl: Mehmed b. Süleyman, Mehmed b. İsa ve gayruhümâ. Zikr olunan feresin sâhibi zâhir olmayıp ve müddet-i örfiyyesi tamâm olup mirâren mezâd olundukda seksen beş akçeye bey‘ olunup altmış akçe nafakasına ve on altı akçe iki def‘a sicil olmasına ve iki akçe dellâliye cem‘an yetmişsekiz akçe harc olup bâkī kalan yedi akçe Üsküdar Emîni Timurhan’da konulup gıbbe’t-taleb tescîl olundu. Tahrîren fî 22 Ramazâni’l-mübârek li-seneti erba‘ ve selâsîne ve tis‘a mi’e. Şuhûdü’l-hâl: Bâli b. Aslıhan, Pîr Ahmed b. Mehmed ve kâtibü’l-hurûf.