Üsküdar Mahkemesi 5 Numaralı Sicil (H.930-936 / M. 1524-1530) cilt: 3, sayfa: 281 Hüküm no: 492 Orijinal metin no: [70a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Rus asıllı kaçak kölenin sahibine teslim edilmesi Kazıyye budur ki Nefs-i Üsküdar’dan Nasuh b. Abdullah bir abd-ı âbık tutup evsatu’l-kāme, asferü’l-levn, efraku’l-hâcibeyn, Rûsiyyü’l-asl, başına ak keçe takye eğinine köhne kır ağrız ve ayağında çarık giyer zikr olunan abd karye-i İstavros Câbisi Ali b. Abdullah’a teslîm eyleyip nafakası ve hıfzı için yevmî ikişer akçe takdîr olunup sebt-i sicil olundu. Tahrîren fî 15 evâsıtı Zilka‘de sene ihdâ ve selâsîne ve tis‘a mi’e. Şuhûdü’l-hâl: Mürsel b. Halil, Mehmed b. Süleyman. Mezkûr [u] mevsûf abd-ı âbıkın sâhibi kazâ-i Akyazı’dan karye-i Çaycı’dan Hızır b. Süleyman nâm kimesnenin imiş, İ‘timâd olunduğu ecilden teslîm olunup sebt-i sicil olundu. Tahrîren fî 15 Zilhicce sene 931. Şuhûdü’l-hâl: Hasan b. Turmuş, Timurhan b. İsmail, Berber Ahmed b. Musa, Mahmud b. Yusuf, Yusuf b. Hamza ve gayruhüm.