Üsküdar Mahkemesi 5 Numaralı Sicil (H.930-936 / M. 1524-1530) cilt: 3, sayfa: 282 Hüküm no: 493 Orijinal metin no: [70b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Başıboş balağın satılması Sebeb-i tahrîr-i hurûf oldur ki Kazâ-i Gekvize tevâbi‘inden Üsküdar kurbunda İstavros nâm karyede mütemekkin olan Poyraz Hamza demekle meşhûr kimesne bir su sığırı düğesi ki rengi siyah ve kuyruğunda bir mikdâr akçası var bu resmi zikr olunan düğeyi karye-i mezbûrede avâbık zabt eden câbi olan Bâli’nin âdemisi Hızır Bâli b. İlyas kabz edip ona teslîm olunduğu sebt-i sicil olundu. Tahrîren fi’l-yevmi’s-sâni min şehri Şevvâli’l-mübârek sene hamse ve selâsîne ve tis‘a mi’e. Şuhûdü’l-hâl: Ali b. Abdullah, Sinan b. Abdullah ve gayruhüm mine’l-hâzırîn. Müddet-i örfiyyesi tamâm olup sûk-ı Sultânî’de bey‘ men yezîd olup yüz yirmi akçeye bey‘ olunduğu sicile sebt olundu.