Üsküdar Mahkemesi 5 Numaralı Sicil (H.930-936 / M. 1524-1530) cilt: 3, sayfa: 323 Hüküm no: 591 Orijinal metin no: [94b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Selman Ağa Vakfı’ndan Kethüdâ b. Gaybi’ye ödünç verilmesi Vech-i tahrîr-i sicil budur ki Merhûm Selman Ağa zâviyesine mütevellî ta‘yîn olunan Süheyl b. Abdullah meclis-i şer‘de karye-i Samandıra’dan Bünyâd Kethudâ b. Gaybi mahzarında bin akçe karz-ı hasenden ve yüz akçe çuka bahâsından cem‘an bin yüz akçeyi târih-i hâze’l-kitâbdan sene-i kâmile tamâm olunca edâ etmek üzere verdim, dedikde mezkûr Kethudâ dahi vech-i meşrûh üzere mukır olduktan sonra meblağ-ı mesfûra Hüseyin b. Hasan kefîl bi’l-mâl olup sebt-i sicil olundu. Tahrîren fî gurreti Muharremi’l-harâm sene 934. Şuhûdü’l-hâl: Davud b. Mustafa, Nâzır İbrahim b. Abdullah ve kâtibü’l-hurûf ve gayruhüm.