Üsküdar Mahkemesi 5 Numaralı Sicil (H.930-936 / M. 1524-1530) cilt: 3, sayfa: 323 Hüküm no: 592 Orijinal metin no: [94b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Selman Ağa Vakfı’ndan Hasan b. el-Hâc Mehmed’e ödünç verilmesi Vech-i tahrîr-i tezkiretü’l-hurûf budur ki Merhûm Selman Ağa zâviyesine mütevellî ta‘yîn olunan Süheyl b. Abdullah meclis-i şer‘de kasaba-i Üsküdar’dan Halvayi Hasan b. el-Hâc Mehmed mahzarında takrîr-i kelâm kılıp eyitti ki, merhûmun vakıf akçesinden iki bin akçe karz-ı hasenden ve iki yüz akçe çuka bahâsından cem‘an iki bin iki yüz akçeyi târih-i hâze’l-kitâbdan sene-i kâmile tamâm olunca edâ etmek üzere verdim, dedikde Mehmed Paşa Cami‘i mahallesinde ma‘lûmetü’l-hudûd olan mülk evimi meblağ-ı mesfûra bey‘ bi’l-vefâ ile bey‘ eyledim diye ikrâr eyledim, diye ikrârını mütevellî talebiyle sebt-i sicil olundu. Tahrîren fî gurreti Muharremi’l-harâm sene 934. Şuhûdü’l-hâl: Hoca Abdullah b. Yahşi, Musa b. Kutbeddin, Mevlâna Yusuf b. Hoca Abdullah, ve gayruhüm.