Üsküdar Mahkemesi 5 Numaralı Sicil (H.930-936 / M. 1524-1530) cilt: 3, sayfa: 324 Hüküm no: 596 Orijinal metin no: [95a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Selman Ağa Vakfı’ndan Ali Bey b. İsmail’e ödünç verilmesi Vech-i tahrîr-i sicil budur ki Merhûm Selman Ağa mütevellîsi olan Süheyl b. Abdullah meclis-i şer‘de Ali Bey b. İsmail mahzarında şöyle takrîr-i kelâm kılıp eyitti ki, merhûmun vakıf akçesinden bin akçe karz-ı hasenden ve yüz akçe çuka kaftan bahâsından cem‘an bin yüz akçeyi târih-i hâze’l-kitâbdan sene-i kâmile tamâm olunca edâ etmek üzere verdim, dedikde meblağ-ı mesfûra Halvâyi Hasan b. Hacı Mehmed kefîl bi’l-mâl olup sebt-i sicil olundu. Tahrîren fî gurreti Muharremi’l-harâm sene erba‘ ve selâsîne ve tis‘a mi’e. Şuhûdü’l-hâl: Osman b. Musa, İlyas b. İdris, Mustafa b. Mehmedî ve gayruhüm mine’l-müslimîn.