Üsküdar Mahkemesi 5 Numaralı Sicil (H.930-936 / M. 1524-1530) cilt: 3, sayfa: 324 Hüküm no: 595 Orijinal metin no: [95a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Selman Ağa Vakfı’ndan Hızır b. Mahmud’a ödünç verilmesi Vech-i tahrîr-i sicil budur ki Merhûm Selman Ağa mütevellîsi Süheyl b. Abdullah meclis-i şer‘de Hızır b. Mahmud mahzarında şöyle takrîr-i kelâm kılıp eyitti ki, iki bin akçe karz-ı hasenden ve iki yüz akçe kaftan-ı çuka bahâsından cem‘an iki bin iki yüz akçeyi târih-i hâze’l-kitâbdan sene-i kâmile tamâm olunca edâ etmek üzere verdim, dedikde meblağ-ı mesfûra Neccâr Mustafa b. İlyas kefîl bi’l-mâl olup sebt-i sicil olundu. Tahrîren fî gurreti Muharremi’l-harâm sene erba‘ ve selâsîne ve tis‘a mi’e. Şuhûdü’l-hâl: Osman b. Musa, Hasan b. İsmail, Hacı Bayram b. Balabancık ve gayruhüm.