Üsküdar Mahkemesi 5 Numaralı Sicil (H.930-936 / M. 1524-1530) cilt: 3, sayfa: 326 Hüküm no: 600 Orijinal metin no: [95b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Selman Ağa Vakfı’ndan Bayezid b. Nasuh’a ödünç verilmesi Vech-i tahrîr-i sicil budur ki Merhûm Selman Ağa mütevellîsi olan Süheyl b. Abdullah şer‘-i şerîf-i Nebevî meclisinde Bayezid b. Nasuh mahzarında merhûmun vakıf akçesinden beş yüz akçe karz-ı hasenden ve elli akçe çuka kaftan bahâsından cem‘an beş yüz elli akçe târih-i hâze’l-kitâbdan edâ etmek üzere verdim, dedikde mezkûr Bayezid mütevellî-i merkūmu cemî‘ mâ-akarra bihîsinde tasdîk eyledikten sonra meblağ-ı mesfûra Bulgurlu mahallesinde ma‘lûmetü’l-hudûd olan evimi rehin verdim, diye ikrârı sebt-i sicil olundu. Tahrîren fî gurreti Muharremi’l-harâm sene 934. Şuhûdü’l-hâl: Hacı Bayram b. Balaban, Sinan b. Abdullah, İbrahim b. Abdullah, Mehmed b. Yunus ve gayruhüm.